amalinks wokungena

Breaking News

Kuqhamuka Ukufuthelana Phakathi Kwebandla leZapu le Zanu PF


Sekuqhamuke ukufuthelana phakathi kwabasekli bebandla leZanu PF lele Zapu kulandela imfa kaMnu. Gabriel Moyo obelilunga leZapu kodwa isililo sakhe sesikhokhelwa ngabe Zanu PF. UMoyo, obhubhe ngoMgqibelo, ubeleminyaka engamatshumi amahlanu lasithupha. Ibandla leZanu PF lihle laphanga lapha uMoyo inhlonipho yeqhawe lesigaba, iProvincial Hero. UMoyo uzabekwa ngoLweSine emangcwabeni eNkulumane Heroes Acre.

NgolweSibili abasakhulayo bamabandla omabili badibene baphosa batshayana emzini kamuyi eLuveve. Abazi ngokwenzakalayo bathi uNkosikazi Anna Moyo umkamuyi, uyisiphathamandla seZanu PF. Imizamo yokukhuluma laye kumbe ibandla leZanu PF yehlule. Okunye osekwengezelele ukufuthelana phakathi kwebandla leZapu lele Zanu PF yikuthi iziphathamandla ze Zapu ebezikuluhlu lokuzenzakala emngcwabeni besuliwe.

UChris Gande weStudio 7 uxoxe lesiphathamandla sohlangothi lwabalwa impi yenkululeko bekuvuyo lezipra, umnu. Ray Ncube ukuze sizwe okwenzkalayo. Silokhu sikudaba olufanayo, abalwa impi yenkululeko bathi umuyi, uGabriel Moyo, owasebenza kubutho le Zimbabwe National Army ophume elesikhundla sika lieutenant colonel ubemele aphiwe inhlonipho yeqhawe lesizwe hatshi elesigaba nxa kukhangelwa imbali yakhe.

UMoyo utshiye abantwana abathathu loNkosikazi. UGande uphinde waxoxa lowalwa impi yenkululeko, uMnu. Max Mkandla, osekubandla elisanda sungulwa ele Mthwakazi Liberation Front othi umuyi wayeliqhawe elingathandwabuzwa.


‚Äč
XS
SM
MD
LG