amalinks wokungena

Breaking News

Kuqhamuka Umkhuhlane Wesihudo eMasvingo leKadoma


Umkhuhlane lo uhlasele ikakhulu abantwana abaleminyaka engaphansi kwemihlanu njalo ukhuthaza omanisipala ukuthi bethulele abantu amanzi ahlanzekileyo , bechithe kuhle izibi ukwenqabela ukumemetheka kwalumkhuhlane.

Ugatsha lukahulumende olubona ngezempilakahle lokulondolozwa kwabantwana luthi sokuqhamuke umkhuhlane wesihudo osubulele abantwana abayisikhombisa wahlasela abazinkulungwana ezedlula eziyisithupha, i-6000 eKadoma le Masvingo.

Isiphathamandla salolugatsha uNkosikazi Portia Manangazira utshele iStudio 7 ukuthi umkhuhlane lo uhlasele ikakhulu abantwana abaleminyaka engaphansi kwemihlanu njalo ukhuthaza omanisipala ukuthi bethulele abantu amanzi ahlanzekileyo, bechithe kuhle izibi ukwenqabela ukumemetheka kwalumkhuhlane.

UNkosikazi Beatrice Ngwenya, isiphathamandla se Combined Harare Residents Association utshele uSithandekile Mhlanga we Studio 7 ukuthi idolobho leli lokhu lingahlanzekanga, okungabangela ukuqhamuka komkhuhlane lo kanye le cholera.

.

XS
SM
MD
LG