amalinks wokungena

Kuqhutshwa Ingxoxo- Mpikisano eMelika Ngengxabangxoza eseZimbabwe

  • Sithandekile Mhlanga

Omunye wabasekeli benhloko kahulumende uMnu. Arthur Mutambara usegcizelele ukuthi uhulumende weMelika kufanele ethule izijeziso azethesa eleZimbabwe ukwenzela ukuthi umnotho welizwe uthuthuke. UMutambara, ukhulume lamazwi emhlanganweni oqoqwe yinhlanganiso ye National Endowment for Democracy khonapha emelika, lapho obekunxuswe iziphathamandla zikahulumende weZimbabwe kanye lamalunga enhlanganiso ezizimeleyo ukuhlafuna udaba lweZimbabwe.

Omunye wabasekeli benhloko kahulumende uMnu. Arthur Mutambara uyagcizelela umvbono wokuthi uhulumende weMelika kufanele ethule izijeziso azethesa eleZimbabwe ukwenzela ukuthi umnotho welizwe uthuthuke. UMutambara, ukhulume lamazwi emhlanganweni oqoqwe yinhlanganiso ye National Endowment for Democracy owenzelwe eMelika ngolweSibili, lapho obekunxuswe iziphathamandla zikahulumende weZimbabwe kanye lamalunga enhlanganiso ezizimeleyo ukuhlafuna udaba lweZimbabwe.

UMutambara uthe kusobala ukuthi eleMelika lincindezela eleZimbabwe ngoba abantu makhaza elizweni kanye lamabandla ezombusazwe atshiyeneyo sebekubeke sobala ukuthi bafuna izijeziso lezi zikhutshwe.

UMnu. Machivenyika Mapuranga, ummeli weZimbabwe eMelika uvumelana loMutambara, wagcizelela ukuthi eleMelika lisekela amanye amazwe angananzi amalungelo oluntu.

Kodwa isiphathamandla sikahulumende weMelika esibona ngokwenzakala ezwekazi leAfrica uMnu. Reuben Bridgety wesibili uthe izijeziso lezi azisoze zikhutshwe nxa eleZimbabwe lingananzanga amalungelo oluntu.

UMnu. Ibbo Mandaza, umhleli njalo eyingcwethi ecubungula ezombusazwe, usole ibandla le MDC esithi kusobala ukuthi alingeke labusa ngemfanelo. UMandaza uthe inengi lamalunga alelibandla aphiwa izikhundla kuhulumende womanyano wona engakwazi lokuthi asebenze njani.

Omunye okhulume kulumhlangano nguMnu. Godfrey Kanyenze, ingcwethi ecubungula ezombusazwe, yena ogcizelele ukuthi abantu makhaza elizweni baswela okokusebenzisa okugoqela imfundo, imithi ezibhedlela, kanye lamanzi okunatha. UKanyenze uthi isizatho yikuthi uhulumende kacabangi ngokuhlawulela indingeko zabantu makhaza kuqala.

XS
SM
MD
LG