Ugatsha lwezempilakahle lalabo olusebenzelana labo kwezempilakahle, lube lomhlangano lenkokheli yabokholo lwesipositoli eHarare International Conference Center ngolweSine.
Inhloko kahulumende uMnumzana Morgan Tsvangirai ubekhona emhlanganweni lo obungowokukhuthaza abokholo lwesipositoli ukuthi bahlabise abantwababo amajekiseni okuvikela imkikhuhlane ehlasela abantwana egoqela indingindi emkhankasweni oqala ngeviki ezayo usiyaphela mhla zimbili ngoNhlangula.
Abokholo lwesipositoli babikwa beze ngobunengi emhlanganweni lo.
Ugatsha lwezempilakahle lukhangelele ukuhlaba abantwana abedlula izigidi ezinhlanu amajekiseni okuvikela imikhuhlane kulolu hlelo. Umkhankaso lo ulandela ukubulawa kwabantwana abangaba phose amakhulu amane- 384 yindingindi.
UBrenda Moyo oweStudio 7 uxoxe lesiphathamandla seUNICEF uNkosikazi Thokozile Ncube obesemhlanganweni wangolweSine.
