Uhongothi lwe United Nations Co-ordination of Humanitarian Affairs luthi abantu abedlula isigidi -1.3 million bazafuna uncedo lokudla ekuqaleni komnyaka ozayo. Embikweni owethulwe ngoMvulo yiloluhlangothi luthi abantu abedlula isilinganiso esilitshumi ekhulwini-10%, ikakhulu abahlala emaphandleni bazafuna uncedo lokudla ekuqaleni komnyaka ozayo. Ukucubungula okwenziwe yilenhlanganiso kutshengisa ukuthi lanxa kuzafana lomnyaka lo, kwezinye indawo zelizwe kuzakubangcono njalo kwezinye kubelendlala embi kakhulu.
Ingcwethi ecubungula ezokudla uMnu. Jonah Nkabinde utshele u Chris Gande weStudio 7 ukuthi lanxa limbiko ingaba iliqiniso abantu beZimbabwe sebelendlela ezehlukeneyo zokondla imuli.
Kunjalo nje, enye njalo ingcwethi kwezokudla, uMnu. Mandla Nkomo, uthi akuthembisi ukuthi umnyaka olandelayo uzaba lobubelo ngoba kungela malungiselelo azwayo asenziwe.