Uhulumende uthi uzasungula imithethwandaba yokuthonisa abantu abetheswa amacala okungethembeki kwezenotho, i corruption ezaqala ukusebenza ngomnyaka ozayo.
Imithethwandaba le, ezabizwa ngokuthi ngama Economic Crimes Courts izavulwa emadolobheni agoqela iBulawayo, Mutare, Gweru leMasvingo.
Uhulumende uthi uzavula njalo amawofisi ekomishini ekhangelane lokwenqabela ukungethembeki eye Anti-Corruption Commission kulawa madolobho ukuze amalunga ayo encedisane lemithethwandaba le.
Uhulumende womanyano uveze lokhu kugwalo lwakhe lwenhlelo zokuvuselela umnotho oluzasetshenziswa ekuqaleni komnyaka ozayo kuze kuyefika umnyaka ka2012.
Ingcwethi ecubungula ezombusazwe, uMnumzana Qhubani Moyo utshele uNtungamili Nkomo weStudio 7 ukuthi imithethwandaba le iqakathekile ukuze ilwisane lezigilamkhuba kwezenotho zona athi sezigcwele ilizwe lonke.
