amalinks wokungena

Breaking News

Kusungulwa Inkundla Yobulembu Eyokumangalela Ukungethembeki Lokufumbathiswa


Esinye isakhamuzi seHarare sesisungule inkundla ebulenjini, iWebsite, eyokumangalela ukungethembeki. UMnu. Tawanda Kembo, ophawule ubulembu obukukheli ethi, ipaidabribe.org.zw uthi ensukwini ezimbili esungule linkundla sekumangalwe izehlakalo ezedlula inkulungwane ezinthathu. Izehlakalo lezi ngezibalisa ukufumbuthiswa kwamapholisa lezisebenzi zikahulumende kungatsha ezitshiyeneyo.

Inhlanganiso yeAfrica Fraud Barometer ithi eleZimbabwe lisesibangeni sesithathu emazweni akhokhelayo kundaba zokungethembeki ezwekazi le Africa iphansi kweNigeria le South Africa.

Abantu abamangala izehlakalo zokungethembeki ebulenjini lobu kabasoze babikwa bengadingeki ukuthi baveze amagama abo. Izehlakalo lezi zizasiwa kuhlangothi lukahulumende olwe Anti-Corruption.

Abalemfanekiso yezehlakalo lezi labo balakho ukuyithumela layo ifakwe ebulenjini. UTembo utshele iStudio 7 ukuthi ulethemba lokuthi ubulembu lobu buzehlisa inani lokungethembeki elizweni. UChris Gande weStudio 7 uxoxe lengcwethi ecubungula ezelungelo likazulu uMnu. Clemence Moyo othi inkinga ingaba kuziphathamandla ezizabe zimele zithathe amanyathelo.



XS
SM
MD
LG