amalinks wokungena

Breaking News

Uhulumende Emanyene Lamanye Amazwe Lenhlanganiso Ezizimeleyo Usungula Uhlelo Lokuncedisa Intandane Labaswelayo Elizweni


Uhulumende weZimbabwe emanyene labohulumende be Sweden le United Kingdom, kanye lenhlanganiso ze European Commission le UNICEF, usesungule uhlelo lokuncedisa intandane labanye abaswelayo ngemfundo, imali, ukudla, lokunye.

Uhulumende weZimbabwe emanyene labohulumende be Sweden le United Kingdom, kanye lenhlanganiso ze European Commission le UNICEF, usesungule uhlelo lokuncedisa intandane labanye abaswelayo ngemfundo, imali, ukudla, lokunye.

UNkosazana Paurina Mpariwa umphathintambo obona ngamalungelo ezisebenzi labaswelayo utshele iStudio 7 ukuthi uhlelo lolu lukhangelelwe ukuqalisa ngenyanga ka Lwezi njalo sokutholakela izigidi ezingamatshumi amane lanhlanu zamadollar- $45 million phakathi kwezingamatshumi ayisikhombisa lanhlanu-$75 million edingakalayo ukuncedisa abaswelayo elizweni.

Isiphathamandla se UNICEF uMnu. Peter Salama uthi ngaphansi kwaloluhlelo, imuli eyodwa izaphiwa amadola alitshumi lanhlanu $25 ngenyanga, njalo bathemba ukuthi imali le izaphathisa kakhulu.

UMnu. Gabriel Ndebele, olilunga lekomithi yedale lephalamende ebona ngezempilakahle lokulondolozwa kwabantwana utshele uSithandekile Mhlanga we Studio 7 ukuthi ikomidi yakhe icebise inhlanganiso ezincedisa abantu ngokudla lemali ukuthi zisebenzelane layo ukwenzela ukuthi abaswelayo ezigabeni zonke zelizwe bathole uncedo olufanayo.

XS
SM
MD
LG