Uhulumende uthi sethole ubufakazi bokuthi kulamadayimana amanengi esigabeni seTsholotsho, eBinga leseMasvingo.
Imbiko le yethulwe ngumphathintambo obona ngezemigodi uMnu Obert Mpofu ngeSonto kungxoxo ayenze lephephandaba le Sunday Mail.
UMnu Mpofu uthe uhulumende seqalisile ukulungiselela ukucwayisisa loludaba kanye lokuthi umsebenzi wokuwemba amadayimana la ungenziwa njani.
Amadayimana eTsholotsho sokukudala atholakala, kodwa bekungaziwa ukuthi ngempela manengi okungakanani.
IMarange ngenye yendawo ezitholakale khona amadayimana kusikhatshana esedluleyo kwaba yisipunepune uzulu sezithaphuzela.
Ingcwethi ecubungula ezenotho kanye lezombusazwe uMnu Rejoice Ngwenya uthi amadayimana la kasoze alethe inguquko empilweni kazulu.
