amalinks wokungena

Breaking News

Kutholakala Amangcwaba Awabantu Abanengi eNtabazinduna


Amangcwaba la aphezu kwenkamba yamapholisa

Amapholisa aweNtabazinduna athi asethole amangcwaba acatshangelwa ukuthi ngawabantu abanengi enkambeni yamapholisa. Lokhu kuvezelwe usibalukhulu wesigaba sentshonalanga yeMandebeleni, uNkosikazi Thokozile Mathuthu ngoLowesine, ekugqitshweni kwezifundo zamapholisa.

Okhokhela amapholisa kulumango, uSuperintendent Ben Chabata utshele uMathuthu ukuthi badinga imali kuhulumende ukuthi baxwayisise ukuthi amangcwaba la ngawabobani lokuthi bangcwatshwe kutsha.

Amapholisa athi asegqagqele lindawo ngocingo ukulondoloza amagcwaba la. Isikhulumi sebandla leZapu, uMnu. Methuseli Moyo utshele uChris Gande weStudio 7 ukuthi ngempela amapholisa kumele acubungule ngokuqotho ukuthi ngobani abangcwatshiweyo.

XS
SM
MD
LG