amalinks wokungena

Breaking News

Kutshontshwa Amakhulu Lamakhulu Amadayimana eMarange Ngelanga


Inhlanganiso yeCenter for Research and Development ithi kuntshontshwa amadayimana angaba yisilinganiso esifika 2000 carats emgodini weCanadile eMarange ngelanga.

Inhlanganiso le ithi ukudingisisa ekwenzileyo kuveze ukuthi abantshontsha amadayimana lawa yizisebenzi zeCanadile kanye lamasotsha alinda imigodi yeMarange.

Amadayimana lawa abikwa ethengiswa emazweni afana leIsrael, China, Lebanon, Mozambique lamanye.

I Center for Research and Development ithi abatshayeli bendizamtshina zamankampani atshiyeneyo yibo abasetshenziswa ukuthwala amadayimana la bewasa emazweni atshiyeneyo okungekho emthethweni.

Imbiko le iza ngesikhathi isithunywa seKimberly Process uMnu Abbey Chikane eseHarare ngenjongo yokuhlaziya udaba lwamadayimana lolu.

UMnu Chikane ufike elizweni ngoMvulo wahlangana leziphathamandla zikahulumende, njalo ngoLwesithathu ukhangelelwe ukuhlangana lamalunga ecabinet taskforce ebona ngendaba zemigodi yeMarange.

Ukuhlaziya udaba lwamadayimana lolu uNtungamili Nkomo weStudio 7 uxhume ingcwethi ecubungula ezombusazwe uMnu Brilliant Mhlanga yena othi kumele uhulumende amise ubudlova obenzakala eMarange.

‚Äč
XS
SM
MD
LG