amalinks wokungena

Kuvezwa Ubufakazi Obutshiyeneyo Emthethwandaba Ngokubhubha KukaMnu. Petros Mutedza

  • Sithandekile Mhlanga

Umfakazi wakuqala utshele umthethwandaba ukuthi wabona ilitshe litshaya umuyi ekhanda kodwa akucacanga ukuthi lavelela ngaphi ngoba abantu babebanengi ebhawa ye Glenview. Umfakazi wesibili yena uthi umuyi watshayeleka phansi ngekhanda ngemva kokuwa ezama ukungena emoteni eyayisivele isisuka wasetshaywa ngamalunga alelibandla.

Ukuthethwa kwecala lokubulawa kuka Mnu. Cephas Muteza nyakenye eletheswa amalunga ecele le MDC elikhokhelwa nguMnu. Morgan Tsvangirai kungene kulanga lesithathu lamuhla emthethwandaba we Harare, lapho abafakazi ababili abaphe ubufakazi obutshiyeneyo ngendlela umuyi abhubha ngayo.

Umfakazi wakuqala utshele umthethwandaba ukuthi wabona ilitshe litshaya umuyi ekhanda kodwa akucacanga ukuthi lavelela ngaphi ngoba abantu babebanengi ebhawa ye Glenview.

Umfakazi wesibili yena uthi umuyi watshayeleka phansi ngekhanda ngemva kokuwa ezama ukungena emoteni eyayisivele isisuka wasetshaywa ngamalunga alelibandla.

Abetheswa lelicala, ngumkhokheli wabatsha kuMDC uMnu. Solomon Madzore lamalunga alelibandla angamatshumi amabili lesitshiya ngalombili.

UMnu. Promise Mkhwananzi, isiphathamandla sogatsha lwabatsha kucele le MDC elikhokhelwa nguMnu. Morgan Tsvangirai utshele uSithandekile Mhlanga weStudio 7 ukuthi ibandla lakhe liyasola indlela icala leli eliphethwe ngayo emthethwandaba.

XS
SM
MD
LG