amalinks wokungena

Kuxazululwa Ingxaki Ebezigxile Ekulotshweni Kwesisekelo Sombuso Esitsha

  • Sithandekile Mhlanga

Lanxa iziphathamandla zaloluhlelo zingafunanga ukuphumela egcekeni ngaloludaba, abazi ngokwenzakalayo bathi kunengi osokuvunyelwene obekuyingxaki kungqubekela phambili yohlelo lokulotshwa kwesisekelo sombuso esitsha.

Ikhomithi yedale lephalamende ebona ngokulotshwa kwesisekeleo sombuso esitsha eye COPAC kanye le- Management Committee yayo ibikwa isiloba okunengi osokuvunyelwene kugwalo lwe Draft Constitution, okugoqela ukwabelwa kwezabelo amandla i Devolution.

Lanxa iziphathamandla zaloluhlelo zingafunanga ukuphumela egcekeni ngaloludaba, abazi ngokwenzakalayo bathi kunengi osokuvunyelenwe obekuyingxaki kungqubela phambili yohlelo lokulotshwa kwesisekelo sombuso esitsha.

Ugwalo lwe Draft Constitution lukhangelelwe ukuphutsha ngoMvulo ozayo, lapho oluzalolongwa okokucina, andubana luqhutshelwe inkokheli ezikuhulumende womanyano ezibalisa uMongameli Robert Mugabe labakhokheli bamacele womabili eMDC oMnu. Welshman Ncube lo Morgan Tsvangirai.

UMnu. Believe Gaule, isiphathamandla se COPAC, utshele uSithandekile Mhlanga weStudio 7 ukuthi umhlangano we All- Stake-Holders’-Conference ulakho ukuqhutshwa ngenyanga ezayo kaNtulikazi konke kungaqhubeka ngemfanelo.

XS
SM
MD
LG