Ikhomidi yedale lephalamende ekhokhela ukulotshweni kwesisekelo sombuso esitsha, iCOPAC, ithi umkhokheli webutho, uBrigadier – General Douglas Nyikayaramba labanye abasebenzela uhulumende kabaseyi kuvunyelwa ukusebenza kukhomidi le. Lokhu kuvunyelenwe emhlanganweni owenziwe ngoMvulo.
Kodwa uNyikayaramba labanye abasebenzela uhulumende abafakwa kukhomidi le libandla leZanu PF babikwa besebeqedile abakuqatshelwayo.
Omunye wabagcinisihlalo beCOPAC, uMnu. Edward Mkhosi utshele iStudio 7 ukuthi abakubutho labakuhulumende kwakungamelanga benze umsebenzi weCOPAC phansi kwesivumelwano abasenza luqala loluhlelo.