amalinks wokungena

Breaking News

Kuyaqhela Ukufuthelana Phakathi KweMDC Labezomvikela


Ukufuthelana phakathi kweMDC lenkokheli yamapholisa sokufike kuzinga elibi kakhulu.

Usikomitshi wamapholisa uMnu Augustine Chihuri uthi amapholisa alelungelo lokungenela kwezombusazwe evikela ilizwe kuzitha ezilakho ukusetshenziswa ngamazwe angentshonalanga ukuhluthuna intambo zombuso.

UMnu Chihuri uveze lokhu ephendula incwadi ebilotshwe ngunobhala jikelele weMDC kaTsvangirai uMnu Tendai Biti esola amapholisa ngokuthatha uhlangothi esekela ibandla leZanu PF.

Amazwi la secunule kakhulu amacele womabili eMDC, wona athi uChihuri labanye bezomvikela kumele baxotshwe umsebenzi ngoba besebenzela iZanu PF.

Ukuhlaziya loludaba sixhume ingcwethi ezicubungula ezombusazwe uMnu Brilliant Mhlanga loMnu Nkululeko Sibanda bona abathi ngempela kulihlazo okwenziwa nguChihuri labanye bakhe.

Kodwa uMhlanga loSibanda bathi abeMDC labo kumele bananzelele inkulumo abayethulayo emaphephandabeni ngabezomvikela ngoba kungamazwi abo aletha ukungezwani kwesinye isikhathi.

XS
SM
MD
LG