amalinks wokungena

Breaking News

Kuyaqhubeka Ukuxokozela Emahofisini Okuthathelwa Khona Amapassports


Omunye wabaphathintambo ababona ngokwenzakala elizweni uNkosikazi Theresa Makone sesole kakhulu ukungethembeki athi kwenziwa yiziphathamandla ezisebenza emawofisisini okuthathelwa khona ama passports.

UMakune uthe uzibonele lokhu ngawakhe eze ethekelele emahofisini eHarare ngemva kokuthola ihungahunga lokuthi inengi liyehluleka ukubhalisa ukuthola lawo mapassports ngoba zizphathamandla zifuna ukufumbathiswa kanti njalo abanye kabalitholi ithuba abanye, okwenza baqede insuku bemile endwendweni.

Lanxa uhulumende ethembise ukuqeda konke ukuxokozela emawofisini ama passports, udubo lolu kalukapheli njalo lukhanya lusibalubi ngamandla.

Uzulu uqeda insuku esendwendweni eHarare lakoBulawayo emelele ukubhalisa. EGwanda lakho, lapho okuthathela khona uzulu weMatabeleland South ama passports, udubo lolu lubikwa lubhahile.

Ukuhlaziya udaba lolu sixhume owake waba ngukhansila wakoBulawayo uMnu Charles Mpofu lesiphathamandla seMDC ekhokhelwa nguMnu Arthur Mutambara eSouth Africa uMnu Ngqabutho Dube.

‚Äč
XS
SM
MD
LG