Ukubulawa kwesiphathamandla seMDC ekhokhelwa nguMnu Welshman Ncube kuliviki kuveza sobala ukubana ilungelo loluntu alinanzwa eZimbabwe, kutsho ingcwethi ezicubungula ezombusazwe.
Isehlakalo lesi senzakala nje umanyano weSadc ukhangelelwe ukuhlangana kweleAangola ngeviki ezayo uhlaziya udaba lweZimbabwe.
Inhlanganiso ezizimeleyo lazo ezifana leHuman Rights Watch, Amnesty International kanye leSouthern Africa Civil Society Forum zikhuthaza iSadc ukuba iphathe udaba lweZimbabwe kabanzi kwenqatshelwe ukwephulwa kwamalungelo kazulu.
Ukuhlaziya udaba lwamalungelo oluntu lolu sixhume ingcwethi ezicubungula ezombusazwe uMnu Effie Dlela Ncube loMnu Brilliant Mhlanga bona abathi uzulu weZimbabwe kumele ephakame elungisise okuhluphayo elizweni.
