Umphathintambo wezemfundo, uMnu. David Coltart uthi uhulumende uphakathi kokukhulumisana lamatitshala asebenzela emaphandleni ngokuthi angezelelwe iholo ngesilinganiso sokungamatshumi amabili ekhulwini-20%. Lokhu kungenxa yokuba abatholi imali ephiwa amatitshala ngabazali, eyama incentives njengabanye babo abasebenzela emadolobheni.
Kodwa inhlanganiso yamatishala iPTUZ leyezisebenzi eye Zimbabwe Congress of Trade Unions, zisola limali zisithi incane kakhulu njalo ayisoze yenelise ukuqeda indubo ezikhangelane lamatitshala la.
Umphathintambo wezemfundo, uMnu. David Coltart ulandule imbiko ephume kuphephandaba le the Herald ethi sekuvunyelenwe ukuthi amatitshala emaphandleni aphiwe limali.
Kodwa uColtart uthe inkulumo lokhu zisenziwa kudale leCabinet, kubika intathelizindaba ye Studio 7 uMzenzi Tshabangu.
Kunjalo nje, udaba lweholo lwezisebenzi zonke nje jikelele luqhubeka kuludaba egudwini njengoba umnyaka uqala ngoba izisebenzi zonke zikhala ngokuthi zifuna ukuthi zengezelelwe iholo. Uhulumende uthi akala mali yokwengezelela ezake izisebenzi iholo. Kodwa osekucunule izisebenzi ezinengi yikuthi uhulumende uthi usthembise ukunika amalunga edale lephalamende inkulungwane ezilitshumi lanhlanu zamadolla- i$15 000 ilunga ngalinye.
Ukuze sihlaziye loludaba uChris Gande weStudio 7 uxoxe lonobhala jikelele wenhlanganiso yamatitshala, iZimta, uMnu. Richard Gundane lonobhala jikelele wenhlanganiso yezisebenzi, i ZCTU, uMnu. Japhet Moyo.