amalinks wokungena

Breaking News

Kuqoqwa Umdlalo Wenguqu Wokumanyanisa Izizalwane zeSouth Africa Lezakwamanye Amazwe


Kumdlalo lo kuzadlala iJomo Cosmos yakwele South Africa le Highlanders yeZimbabwe

Izizalwane zakwele South Africa kwele Western Cape Town zibikwa zihaze amagwaliba acebisa ukuxotsha kwabokuza kulelolizwe. Amagwaliba la akhuthaza izizalwane zakwele South Africa ukuthi zilwele ilizwe lazo njalo abikwa eqamba ilanga lapho okuzaxotshwa khona abokuza. Amapholisa akwele South Africa athi ayacubungula ukuthi amaphepha la avela ngaphi njalo alotshwe ngubani.

Izizalwane zeZimbabwe zibikwa seziqale ukubaleka zibuyela ekhaya kulandela imbiko eqale ngenyana edluleyo ethi abokuza bazatshaywa baxotshwe ngemva kwemidlalo yenkezo yeWorld Cup ephele ngempelaSonto.

Kunjalo nje, inhlanganiso ye Southern African Women’s Immigration Affairs, iSAWIMA, iqoqe umdlalo wenguqu ozenzelwa enkundleni ye Johannesburg phakathi kweqembu le Jomo Comos elakwele South Africa lele Highlanders yeZimbabwe ngenjongo yokuletha ndawonye izizalwane zakwele South Africa labokuza. UChris Gande weStudio 7 uxoxe lesizalwane sakwele South Africa, uMnu. Philani Ndebele, ongomunye wabaqoqa lumdlalo lenhlanganiso ye SAWIMA, ukuze sizwe okunengi ngalumdlalo.

XS
SM
MD
LG