Sokusesatshelwa ukuthi kungaqhamuka umkhuhlane we cholera njalo eHarare ngoba inengi lamalokitshi alelidolobho agoqela i Mabvuku, Hatcliffe, Budiriro, Tafara, Chizhanje, le Mt. Pleasant aselamaviki ambalwa engelamanzi ngenxa yokucitshwa kukagetsi mahlayana kanye lokudubuka kwempompi ye Jeffrey Motor Works kulelidolobho.
Umsekeli ka mayor walelidolobho uMnu. Emmanuel Chiroto utshele iStudio 7 ukuthi ikhansili yakhe isithole imali engange$144 million evelela e China ukuthi ilungise loluhlupho lanxa ukwakhiwa kwedamu le Kunzvi okusalungiswa nguhulumende kuyikho okuzaqeda ukuswelakala kwamanzi.
UNkosikazi Sylvia Bhasikolo, isiphathamandla senhlanganiso yezakhimizi eye Mabvuku Residents Committee utshele iStudio 7 ukuthi abantu sebesilwa kabuhlungu esibhoraneni se Mabvuku, abesilisa bekhulela abesifazana lanxa kuyibo abafike kuqala ukuzofolela amanzi.
UKhansila Peter Moyo we Norton eHarare, utshele uSithandekile Mhlanga we Studio 7 ukuthi kufanele kubelohulumende omutsha ozaqeda uhlupho lokusilela kwamanzi lokunye elizweni .