Inhlanganiso elwela ilungelo loluntu eye Research and Advocacy Unit- RAU imanyene lelwela umbuso okhululekileyo ezwekazi leAfrica i IDASA, iWomens Coalition of Zimbabwe le International Center for Transitional Justice zethule ugwalo oluveza ukwephulwa kwelungelo labesifazane kweleZimbabwe.
Ugwalo lolu luthiwa ‘Women Politics and the Zimbabwe Crisis’. Inhlanganiso lezi zikhulume labesifazane abedlula inkulungwane ezimbili zicwayisisa indaba ezimbalwa ezigoqela ukuphathwa kwabesifazane ngezikhathi zokhetho, ukuhlukuluzwa kwabesifazane elizweni, ukuthula kanye lodaba lokubunjwa kukahulumende womanyano.
Inhlolisiso le iveze ukuthi inane labesifazane abavotayo lokhe liqonga, lokuthi abesifazane abayisilinganiso sokungamatshumi amahlanu lambili ekhulwini, 52% libhekane lokuhlukuluzwa ngesikhathi sokhetho. Kudaba lokubunjwa kukahulumende womanyano inani lokungamatshumi ayisitshiyagalombili lanhlanu-85% labesifazane lithi ngabe kwadingwa imibono yabo kungakabunjwa uhulumende womanyano.
Ukuzwe sizwe ingcazelo ejulileyo ngogwalo lolu, uBrenda Moyo weStudio 7 uxhume igqwetha elilwela ilungelo loluntu uNkosazana Anna Moyo.
