Umkhokheli welinye lamacele eMDC, uMnu. Morgan Tsvangirai, oyinhloko kahulumende uthi iminyaka emibili edluleyo ibinzima kodwa yena lebandla lakhe benelise ukuletha inguquko ngokungena kuhulumende womanyano.
Emazwini akhe okunanza ukuphela komnyaka efisela uzulu weZimbabwe iKhisimusi enhle, uTsvangirai uthi ubufakazi bokuthi ibandla lakhe lilethe ububelo yikwehla kwesilinganiso sokonakala komnotho, i-Inflation, ukutholakala kokukudla ezitolo lezikolo sekufundwa.
Kodwa uTsvangirai uthe udaniswa yimbiko yodlakela oseluqalisile lokungafuni ukugcwalisa izibopho zesivumelwano sikahulumende womanyano okwenziwa nguMongameli Mugabe.
UTsvangirai uthe njengoba yena lebandla lakhe banqoba kabesabi lutho njalo bakhangelele ukhetho nxa lungabe lukhululekile. Ukuhlaziya amazwi ka Tsvangirai uChris Gande weStudio 7 uxoxe lengcwethi kwezombusazwe, uMnu. Nsununguli Mbongolwane.