Kuliviki sihlafuna udaba lokufa kukaMnu Solomon Mujuru yena ohle wanikwa inhonipho yeqhawe lesizwe libandla lakhe leZanu PF.
Kodwa ayisibo bonke abavumelana lalesisinqumo. Bakhona abathi uMnu Mujuru ubengamelanga anikwe linhlonipho, besithi waphatheka ekubulaweni kwabantu eMatabeleland leMidlands ngesikhathi sempi yeGukurahundi.
Abanye balababantu ngabathi uMnu Brilliant Mhlanga oyingcwethi ecubungula ezombusazwe loMnu Zenzele Ndebele, oyintathelizindaba.
UMujuru utholakale efile ngoLwesibili ekuseni epulazini lakhe duzane leHarare njalo umzimba wakhe wawutshiswe kakubi ngumlilo. Akukaziwa ukuba umlilo lo waqaliswa kuyini?
Lalela ingxoxo yethu loNdebele kanye LoMhlanga kuhlelo Liphuma Lendaba, Litshone Lendaba.
Nxa kukhona ofuna sikhulume ngakho kuloluhlelo, thumela incwadi ye-mail kukheli ethi studio7@voanews.com. Ungathumela njalo itext message kunombolo ezithi 001 202 465 0318.
