Kuliviki sihlafuna udaba lwezizalwane zeZimbabwe ezihlala kwamanye amazwe ezithi kumele zivunyelwe ukuvota ngohlelo lwepostal ballot.
Kodwa abanye, ikakhulu abeZanu PF bayakwala lokhu, besithi ofun’kuvota kumele abuye eZimbabwe azevotela khona.
Imbono yeZanu PF le ivezwe ngabanengi emhlanganweni obuhlaziya inguquko emele yenziwe emthethweni wezokhetho iElectoral Ammendment Bill oqhutshelwe eHarare ngoMvulo.
Sixoxa uMnu Den Moyo, umgcinisihlalo wenhlanganiso yezizalwane zeZimbabwe ezihlala eMelika, iZimbabwe Diaspora Vote Campaign.
UMoyo ngumgcinisihlalo njalo wogatsha lweMDC ekhokhelwa nguMnu Morgan Tsvangirai eMelika.
Lalela ingxoxo yethu loMnu Moyo kuhlelo Liphuma Lendaba, Litshone Lendaba.
Nxa kukhona ofuna sikhulume ngakho kuloluhlelo, thumela incwadi ye-mail kukheli ethi studio7@voanews.com.
