Kuliviki sihlaziya udaba lokubotshwa kukaMnu Paul Siwela, yena osezakwenelisa inyanga ezintathu evalelwe eKhami Prison koBulawayo.
USiwela lilunga leMthwakazi Liberation Front (MLF) njalo wetheswa icala lokuqoqa ukugenqula uhulumende.
Amagqwetha kaSiwela akhweze udaba lwakhe emthethwandaba weSupreme Court ngenyanga edluleyo efuna akhululwe. Umahluli uzakwethula isinqumo sakhe kumaviki azayo.
Sixoxa lesikhulumeli salinhlanganiso uMnu David Magagula, yena othi babuhlungu kakhulu ngokuhlaliswa kukaSiwela entolongweni okwesikhathi eside kangaka.
Lalela ingxoxo yethu loMnu David Magagula kuhlelo Liphuma Lendaba Litshone Lendaba.
Nxa kukhona elifuna sikuhlafune kuloluhlelo, lingasithumela incwadi ye e-mail kukheli ethi studio7@voanews.com. Lingathumela njalo itext message kunombolo ezithi 001-202-465-0318.
