amalinks wokungena

Breaking News

Liphuma Lendaba, Litshone Lendaba: Sixoxa LoMnu Nqaba Matshazi


Kuliviki sixoxa lentatheli yephephandaba leStandard uMnu Nqaba Matshazi yena obotshwe ngoLwesibili wakhululwa ngoLwesithathu.

UMatshazi ubotshwe ndawonye lomhleli wakhe uMnu Nevanji Madanhire besetheswa icala lokuhlambaza umnikazi weGreen Card Medical Society, uMnu Munyaradzi Kereke lokweba infihlo yenkampani yakhe.

Ababili laba bakhululwe ngumthethwandaba kamantshi eHarare ngemva kokubavumela ukuhlawula imali yesibambiso, ibail.

Isisusa sokubotshwa kukaMatshazi loMadanhire ludaba olulotshwe nguMatshazi kumaviki edluleyo obelusithi inkampani kaKereke ilakho ukubhidlika ngoba ibhekane lobunzima bemali.

UMatshazi utshele lumsakazo ukuba uma ngodaba lwakhe njalo kalakuthandabuza ukuthi uzatholakala emsulwa ngumthethwandaba. Umatshi ulaye ababili laba ukuthi bephenduke edale mhlaka 20 ngenyanga ezayo.

Uphinde walaya njalo ukuba benikeze amapholisa ingwalo zabo zokuhambisa, amaPassports njengendlela yokuba ababalekeli ukuthoniswa kwecala labo.

Lalela ingxoxo yethu loMnu Matshazi kuhlelo Liphuma Lendaba, Litshone Lendaba.

Nxa kukhona ofuna sikhulume ngakho kuloluhlelo, thumela incwadi ye-mail kukheli ethi studio7@voanews.com.

XS
SM
MD
LG