Kuliviki sixoxa loMnu Paul Siwela, yena ophume entolongweni ngeviki edluleyo ngemva kokuvalelwa okwenyanga ezintathu esetheswa icala lokuqoqa umvukela.
USiwela lilunga leMthwakazi Liberation Front. Le yinhlanganiso ekhankasela ukwehlukaniswa kwelizwe leZimbabwe lesizwe sikaMthwakazi.
USiwela utshele lumsakazo ukuba ukubotshwa kwakhe akusoze kum'phazamise emkhankasweni wakhe wokuzibusa kwesizwe sikaMthwakazi.
Lalela ingxoxo yethu loMnu Siwela kuhlelo Liphuma Lendaba, Litshone Lendaba.
Nxa kukhona elifuna sikuhlafune kuloluhlelo, sithumeleni i e-mail kukheli ethi studio7@voanews.com. Lingathumela njalo itext message kunombolo ezithi 001 202 465 0318.