amalinks wokungena

Breaking News

Liphuma Lendaba, Litshone Lendaba: Sixoxa LoMnu Sam Sipepa Nkomo


Kuliviki sikhangela udaba lweCongress yeMDC ekhokhelwa nguMnu Morgan Tsvangirai eqala ngoLwesine koBulawayo.

Umhlangano lo uza kulokufuthelana lokudonselana okukhulu kubangwa izikhundla. Amalunga alelibandla akhangelelwe ukukhetha inkokheli entsha ekugqitshweni kweCongress le ngoMgqibelo.

Uluhlu olupheleleyo lokuthi uzibani uncintisana lobani kusiphi isikhundla luzakwethulwa ngoLwesine.

Kodwa esikwaziyo yikuba uTsvangirai kasoze ancintiswe muntu kusikhundla sokukhokhela ibandla. Umsekeli wakhe, uNkosazana Thokozani Khupe uzadinga ukuqhubeka ekulesisikhundla ngokubhuqana loNkosazana Thabitha Khumalo kanye loNorman Mabhena.

Kuhlelo lwethu sixoxa lofuna isikhundla sikamsekeli kamgciningcebo webandla uMnu Sam Sipepa Nkomo. Uzancintisana loMnu Elton Mangoma, yena ophethe lesisikhundla okwamanje kanye loNkosikazi Sekai Holland.

UNkomo utshele lumsakazo ukuba enganqoba, uzawuqhuba kuhle umsebenzi wakhe echaye sobala ukuthi izimali zebandla zisebenza njani.

Lalela ingxoxo yethu loMnu Nkomo kuhlelo Liphuma Lendaba Litshone Lendaba.

Nxa kukhona elifuna sikuhlafune kuloluhlelo, sithumeleni incwadi ye e-mail kukheli ethi studio7@voanews.com. Lingathumela njalo itext message kunombolo ezithi 001202465 0318.

XS
SM
MD
LG