amalinks wokungena

Breaking News

Lokhu Kusesatshelwa Ukuthi Kulabantu Abaquma Abantwana Amakhanda KoBulawayo


Izakhamizi zako Bulawayo zibikwa zilokhu zisesabela ukuthi abantwabazo bengehlelwa yingozi kulandela imbiko ethi kulabantu abaquma abantwana amakhanda bewathengisa kwele South Africa ngezizatho zemithi.

Izakhamizi zako Bulawayo zibikwa zilokhu zisesabela ukuthi abantwabazo bengehlelwa yingozi kulandela imbiko ethi kulabantu abaquma abantwana amakhanda bewathengisa kwele South Africa ngezizatho zemithi.

Imbiko le iphuma phose malanga wonke kuphephandaba le The Chronicle, njalo indawo ezigoqela izinkonzo lezikolo zihlezi zibikwa zixwayisa izakhamizi ukuthi ziqaphele lababantu.

UMnu. Ambrose Sibindi, isiphathamandla se Bulawayo Progressive Residents Association, ugcizelele kuSithandekile Mhlanga we Studio 7ukuthi kulokwesaba okukhulu kulelidolobho njalo abanye abantwana abasayi ezikolo nxa kungelamuntu omdala wokubaphelekezela, njengalokhu osokusenziwa ngabanye.

Ihunga-hunga leli liggcizelelwe yisehlakalo esihlasimulise abantu igazi kuviki ephelileyo, lapho amapholisa athi abophe owesilisa oqume umntwana ikhanda elokitshini le Lobengula, lapho izakhamizi ezimphuthume khona esebaleka, elokhu elithwele lelokhanda.

Kodwa Superintendent Andrew Phiri, utshele uSithandekile Mhlanga weStudio 7 ukuthi amapholisa awakholwa ukuthi kuliqiniso ukuthi kulabanye abantu abenza lokhu, lanxa ekhuthaza abantu ukuthi behlale beqaphele.

‚Äč
XS
SM
MD
LG