Indwendwe zibe lokhu ziqhubeka zisiba zinde ngamandla edolobheni le Beitbridge , abantu bezama ukuchapha umgcele owehlukanisa i Zimbabwe le South Africa kulindawo, kukanti abasebenzisa incwadi zokuhambisa ama Emergency Travel Documents lokhu bebelokhu bebuyiselwa emuva.
Okwensuku ezimbili ezedluleyo isimo sibikwa besisibi okungaphezu kwensukwana ezedluleyo, njalo indwendwe zama roli lezimota ezincane zizinde okwesabekayo kucele lomngcele waseZimbabwe, ngenxa yokwanda kwenani labantu abasebenzisa lindawo.
Ozibiza ngokuthi nguMnu. Bankwa, ohlala e Beitbridge, utshele uSithandekile Mhlanga we Studio 7 ukuthi uchaphe lumgcele kabuhlungu ngolweSithathu ngoba abantu bebegcwele okwesabekayo.