Inhlanganiso yeZimbabwe Peace Project ithi ukufuthelana sokuqhele ngamandla endaweni ezitshiyeneyo zelizwe kubangelwa yikusungulwa kohlelo lokulotshwa kwesisekelo sombuso esitsha.
Egwalweni elwethule ngoLwesihlanu inhlanganiso le ibike ukuthi abasekeli beZanu PF sebeqalisile ukwethusela uzulu ikakhulu ezigabeni zeMashonaland leManicaland.
Ithi njalo abeZanu PF laba sebevuselele inkamba zabo ezingekho emthethweni ababetshayela khona abasekeli beMDC kukhetho luka2008.
Inhlanganiso le ithi ilezisebenzi zayo ezibotshwe emutare izolo ziphakathi kokudingisisa ukuthi uhlelo lokulotshwa kwesisekelo sombuso lolu luhamba kuhle na.
I ZPP ithi abasekeli beZanu PF bahamba besethusela abantu besenzela ukuvimba uzulu ukuthi engazaphatheka. Kodwa isiphathamandla seZanu PF uMnu Absolom Sikhosana ukulandule lokhu kungxoxo ayenze loNtungamili Nkomo weStudio 7.