amalinks wokungena

Breaking News

Soluyaqala Manje Uhlelo Lokulotshwa Kutsha Kwesisekelo Sombuso


Izifundo zalaba abazaloba phansi imibono kazulu ekulotshweni kwesisekelo esitsha sombuso zikhangelelwe ukuqala ngoLwesine edolobheni leHarare. Lokhu kubikwe yikhomidi yephalamende ebona ngokulotshwa kwesisekelo sombuso esitsha.

Izifundo lezi ziphela ngolweSihlanu. Ukuphela kwazo kutsho ukuthi laba abazakuyakwamukela imibono kazulu sebezakwaziswa ukuthi baphuma nini lokuthi bayakuziphi izigaba.

Izifundo lezi zizangenwa ngabantu abangamakhulu edlula kancane amabili-210 abevela enhlanganisweni ezizimeleyo, amagqwetha, izifundi, abezinkonzo abezombusazwe labanye. Ikhomidi yephalamende ebona ngokulotshwa kwesisekelo esitsha sombuso ithi loluhlelo besoluphuziswa yikusilela kwemali yokuqhuba lumsebenzi.

UBrenda Moyo weStudio 7 uxoxe lomunye wabazangena lezi zifundo, uMnumzana Effie Dlela Ncube ongumgcinisihlalo wenhlanganiso ye Matebeleland Constitutional Reform Agenda.

Uncube uthi izifundo lezi ziqakathekisa kakhulu ukuthi labo abazakwamukela imibono kazulu, bayibhale phansi kungela nguquko ezakwenziwa, ilotshwe phansi njengalokho eza iyikhokhona.

‚Äč
XS
SM
MD
LG