amalinks wokungena

Breaking News

IWOZA Icela Umthethwandaba Ukuthi Uxotshe Amapholisa Alokhu Ehlezi Endlini Yawo ESuburbs


Amagqwetha amela amalunga e Women of Zimbabwe Arize, iWOZA, asehambise isicelo emthethwandaba esokuthi kuxotshwe amapholisa alokhu ehlezi endlini yawo e Duburbs ko Bulawayo kusukela ngolwesihlanu olwedluleyo ngoba kungekho emthethweni.

Amagqwetha amela amalunga ecele le MDC elikhokhelwa nguMnu. Morgan Tsvangira etheswa icala lokubulala ipholisa e Glenview eHarare ngenyanga ephelileyo, akhweze isicelo emthethwandaba kamantshi ngoLwesibili sokuthi ababotshiweyo laba bakhululwe ngesimbambiso seBail, njalo isinqumo sikhangelelwe ukwenziwa ngoLwesithathu.

Esinye isiphathamandla salelibandla, uMnu. Warship Dumba obotshwe ngeNsonto esetheswa icala elifanayo, ubikwa elokhu evalelwe esitokisini eHarare, njalo udaba lwakhe selusezandleni zamagqwetha eLawyers for Human Rights.

Ngakwelinye icele, amagqwetha amela amalunga enhlanganiso yeWomen of Zimbabwe Arise, iWOZA, asehambise isicelo emthethwandaba esokuthi kuxotshwe amapholisa alokhu ehlezi endlini yawo eSuburbs ko Bulawayo kusukela ngoLwesihlanu olwedluleyo ngoba kungekho emthethweni.

UNkosazana Magodonga Mahlangu, isiphathamandla salinhlanganiso utshele iStudio 7 ukuthi inhlanganiso kahulumende eye JOMIC isithembise ukuhlolisisa loludaba.

XS
SM
MD
LG