Uhulumende weSouth Africa uthi kasoze engezelele insuku zokuthi izizalwane zeZimbabwe ezidinga amaphepha okuhlala kulelolizwe ziqhubeke zidinga lezingwalo.
Umphathintambo obona ngezaphakathi kwelizwe uNkosikazi Nkosazana Dlamini zuma utshele abameli benhlanganiso zezizalwane zeZimbabwe, leziphathamandla zogatsha olubona ngezaphakathi kwele Zimbabwe ukuthi umhlaka 31 Mpalakazi yilo ilanga lokucina lokuthi izizalwane zeZimbabwe zidinge ama permit okuhlala kwele South Africa.
UNkosikazi Zuma uqonqosele ukuthi izizalwane zeZimbabwe ezizabe sezingenise ingwalo zokudinga amaphepha kusiyafika mhlaka 31 Mpalakazi yizo kuphela ezizaqhubeka ziphathiswa.
Uqhubeke wathi kodwa umsebenzi usesemkhulu.Uthi njalo abazakwehluleka ukudinga ingwalo zokuhlala kwele South Africa kusiya fika umhlaka 31 Mpalakazi bayabe sebelahlekelwe lithuba, njalo balakho ukubuyiselwa eZimbabwe.
