amalinks wokungena

Breaking News

Akulazikhali Esizithengisela UMnu Bagbo:Mnangagwa


Umphathintambo wezomvikela uMnu Emmerson Mnangagwa ulandule imbiko ethi iZimbabwe ingaba ithengisela eleIvory Coast izikhali zempi.

Iziphathamandla zenhlanganiso yomanyano wamazwe womhlaba eye United Nations ziveze ngeviki edluleyo ukuthi ziphakathi kokudingisisa ngalolu daba, zisithi uMongameli Laraunt Gbagbo wele Ivory Coast engabe esebenzisa izikhali lezi ukuwlisana labasekeli bakaMnu Alassane Outtara.

UOuttara nguye onanzwa ngamazwe amanengi njenguMongameli weIvory Coast ngoba kunguye onqobe uGbagbo kukhetho lwanyakenye lanxa nje lokhe esalela kulesisikhundla.

Amazwe womhlaba kavunyelwa ukuthengisela iIvory Coast izikhali phansi kwezijeziso zeUnited Nations.

UMnangagwa utshele iphephandaba leNewsDay ukuba imbiko yokuthengiselwa kweIvory Coast izikhali ingamanga. Wengeze wathi iZimbabwe ayisoze ithengise izikhali ngoba layo izifuna kodwa isehluleka ukuzithenga kwamanye amazwe ngenxa yezijeziso zenotho.

Umeli weInsiza edale lephalamende njalo elilunga leMDC ekhokhelwa nguMnu Welshman Ncube, uMnu Siyabonga Malandu Ncube uthi iZimbabwe ilakho ukujeziswa kabuhlungu yiUnited Nation ingatholakala ilecala.

‚Äč
XS
SM
MD
LG