amalinks wokungena

Breaking News

Ngilifisela Ikhisimusi Enhle - Tsvangirai


Inhloko kahulumende uMnu Morgan Tsvangirai sekhuthaze uzulu weZimbabwe ukuthi ebambane njalo esebenze gadalala ngomnyaka ozayo ukuze kuvuselelwe ilizwe.

Embikweni wakhe wokufisela uzulu ikhisimusi enhle ngolweSihlanu lomnyaka omutsha olempumelelo, uTsvangirai ukhuthaze izizalwane zeZimbwbabwe ukuthi zihloniphe imithetho yelizwe njalo zisekele uhulumende womanyano.

Ukhuthaze njalo ukuthi kumele uzulu eqakathekise ukuthula. Kodwa usole abanye angababethanga ngamagama esithi benqabela ukulondolozwa lokuhlonitshwa kwesivumelwano leGlobal Political Agreement.

UTsvangirai uthi uzulu weZimbabwe engabambana, umnyaka ozayo uzakuba lempumelelo kanye lentuthuko enengi ukwedlula lonyaka. Ingcwethi ecubungula ezombusazwe uMnu Samukele Hadebe utshele uNtungamili Nkomo weStudio 7 ukuthi ngempela kumele uzulu ebambane.

‚Äč
XS
SM
MD
LG