Umqeqetshi weqembu lenguqu ele Gunners u Moses Chunga engabe enelise ukuphakamisa isicoco seligi okokuqala selokhu waqala ukusebenza njengomqeqetshi kodwa kungenzeka angabi nguye umqeqetshi ozakwetheswa inkatha yokuba ngu Coach Of the Year ngoba uhlelo lokukhetha abasebenze okwedlula abanye kusizini yalonyaka luqhutshwe kungakacaci ukuba yiliphi iqembu elizaphakamisa isicoco phakathi kwe Gunners le Dynamos.
Uhlelo lokukhetha abadlali, umqeqetshi kanye labonompembe abaqhube kuhle lonyaka lube khona ngoMgqibelo odluleyo njalo amagama abadlali abalitshumi lanye abadlale okwedlula abanye ahle aziswa uzulu ikanti amagama alowo oqeqetshe wedlula abanye lotshaye impembe okwedlula abanye azavezwa emkhosini ozakuba ngenyanga ezayo mhla zilitshumi lasikhombisa.
