amalinks wokungena

Breaking News

Odokotela Labongi Baphiwa i$2 Ukuze Bangakhalali Umsebenzi


Uhulumende ubikwa esithi uzakupha odokotela labongi imali engamadola amabili ngamunye eyokuthi benelise ukuya emsebenzini kulandela imbiko ethi kungafika kusasa bengatholanga iholo bazakwehluleka ukuya emsebenzini.

Kodwa odokotela labongi batshele iStudio Seven ukuthi abasoze baye emsebenzini ngoba imali le abayithenjiswayo ingeyokuhambisa kuphela ingasoze yenelise ukuthi bathenge ngayo ukudla.

Uhulumende wadlulisela ilanga leholo elalimele libe ngeviki edluleyo laya ngoMvulo ozayo kumhlaka ka 5.

Abanye odokotela abakhulume leStudio Seven bathe bathenjiswe amadola amabili ngelanga kuzekuyefika ngoMvulo. Kodwa bathi kabazi ukuthi limali izathathwa na eholweni labo mhla belithola.

Umphathintambo wezempilakahle, uDokotela David Parirenyatwa wethule umbiko ecela odokotela labongi ukuthi babekezele bengakhalali umsebenzi.

Omela iNkayi South edale lephalamende, uMnu. Abednicho Bhebhe, njalo eqoqa inhelo zebandla le MDC-T utshele iStudio Seven ukuthi lokhu sekutshengisa mgceke ukuthi uhulumende usehlulekile.

please wait

No media source currently available

0:00 0:02:13 0:00
Lapho esitholakala khona

"Into eqakathekileyo esimele siyikhangele yikuthi uhulumende lo usehlulekile ngoba ungakhangela iminyaka engu 35 edluleyo yonke into ilokhu isiyaphansi ... isiya phansi akulanto evukayo," kutsho uBhebhe.

XS
SM
MD
LG