Odokotela be Massachusetts Hospital eMelika bathi inhloliso abayiqhube eZimbabwe ikhomba ukuthi abesifazana abazithweleyo labasanda ukubeletha abaphila legcikwane kufanele bexwayiswe ukuthi bengamunyisi njalo bengayekeli ukunatha amaphilisi abawaphiwayo ngendlela yokunciphisa inani labantwana abathelelwa leligcikwane.
Udokotela Andrea Ciaranello obekhokhela lolu hlelo, utshele iStudio 7 ukuthi isilinganiso sokuthelelwana kwegcikwane leHIV ebantwaneni belithola kubomama eZimbabwe siphose sifike kumatshumi amabili ekhulwini-18% njalo kufanele sehle sifike kokuhlanu ekhulwini 5% njengalokhu okufuneka phansi kweziqondisi zenhlanganiso yomanyano wamazwe womhlaba eye World Health Organization.
Kodwa uDokotela Gibson Mhlanga, umqondisi wesigaba sokuvikela imikhuhlane kugatsha lwezempilakahle utshele uSithandekile Mhlanga oweStudio 7 ukuthi uhulumende kasoze asilandele lesisixwayiso ngoba ukumunyisa abantwana kuqakathekile njalo umanyano we World Health Organization uyakukhuthaza.