Omantshi abaqale ukukhalala umsebenzi ngoMvulo babuyele emsebenzini ngolweSihlanu ngemva kokwengezelelwa iholo.
Umantshi osanda qala umsebenzi usezahola amakhulu phose amahlanu amadollar-$490 ngenyanga kuthi lowo osehlezi isikhathi, usezathola amadollae edlula kancane inkulungwane eyodwa-$1,120. Bengakengezelelwa iholo omantshi bebethola amakhulu amabili amadollar-$200 kusiya kumakhulu amathathu-$300.
Unobhala jikelele wenhlanganiso yabo iZimbabwe Magistrate Association, uMnu. Munamato Mutevedzi uthi bayamukele limali lanxa bona bebefuna ingezelelwe isiyafika kunkulungwane ezintathu-$3 000 ngenyanga.
Ingcwethi ecubungula ezombusazwe, uMnu. Effie Dlela Ncube uthi omantshi ngabantu abahlonitshwayo yiko kumele bathole imali ethe xaxa ukuze basebenze kuhle kungela ngozi yokufumbathiswa ngenxa yobuyanga.