amalinks wokungena

Breaking News

Osomabhizimisi BeZimbabwe Babeqoqa Ukugenqula Umbuso KaMugabe-Wikileaks


Kulemfihlo eyethulwe ebulenjini ngabe Wikileaks kuyonale iviki eveza ukuthi kulabamabhizimisi abambalwa beZimbabwe abahlangana ngomnyaka ka 2007 baqoqa ukuthi uMongameli Robert Mugabe engasuswa njani esikhundleni.

Abamabhizimisi laba kuthiwa ngabangasahlali elizweni abasuka bebalekela umumo. Babikwa bakhuluma ngokuthi amandla asuswe ezandleni zikaMugabe afakwe ezandleni zenhloko kahulumende.

Isigodlo someli weMelika eSouth Africa sibikwa sasilolwazi lokwakuqoqwa ngosomabhizimisi laba, bekhuthaza ukuba nxa amandla esebekwe ezandleni zenhloko kahulumende ilizwe libe selilobake isisekelo sombuso esitsha.

Kubikwa kukunengi okwakuqoqwa ngamadoda la, akhanya esaziwa laloba abe Wikileaks bengavezi amagama abo.

Iwikileaks isiyethule imfihlo ngomsebenzi wabameli beMelika emazweni ambalwa, mayelana lalawo mazwe, osokwenze umqondisi wayo uMnumzana Julian Assange abotshwe kweleBhilithane.

UBrenda Moyo weStudio 7 ukhulume lengcwethi ecubungula ezombusazwe uMnumzana Brilliant Mhlanga othi ngokubona kwakhe osomabhizimisi laba babekhangelane kakhulu lokuvuselelwa kwezenotho yelizwe eyayisiku simo esibi, hatshi ukuthi kwakuqoqwa ukugenqulwa kombuso kaMugabe.

‚Äč
XS
SM
MD
LG