Owake waba ngusibalukhulu wesigaba seMmatabeleland North,uMnu. Welshman Mabhena akasekho.
UMabhena, obesazakala ngokukhuluma okusenhliziyweni yakhe ngokubandlululwa kwesigaba semandebeleni ubhubhele emzini wakhe eFourwinds koBulawayo lamhla ekuseni.
UMabhena utshiye unkosikazi labantwana abathathu, abazukulu abalitshumi lambili, lezizukulwane ezimbili.Akukaziwa ukuthi uzabekwa nini ngoba abemuli yakhe besamelele abantwana lezinye izihlobo ezisemazweni.
Knjalo nje uBrenda Moyo weStudio 7 ukhulume lomunye owabotshwa lomuyi eGonakudzingwa ngomnyaka ka 1965, uMnu Fletcher Dulini Ccube ongumgcinisikhwama wecele le MDC elikhokhelwa nguMnu Arthur Mutambara.
UNcube uthi uMabhena ufe edanile ngoba isivumelwano seUnity Accord phakathi kwebandla leZAPU lele ZANU sika 1987 singagcwalisekanga.
