amalinks wokungena

Breaking News

'Qakathekisani Uzulu, Hatshi Izikhundla'


Icele leMDC elikhokhelwa nguMnu Arthur Mutambara selixwayise abecele elikhokhelwa nguMnu Morgan Tsvangirai labeZanu PF ukuthi bavumelane kuqedwe ukudonselana okukhona kuhulumende womanyano.

Esikhathini esinengi icele likaMutambara liba ngumlamulankunzi kunkulumo zokuzama ukulungisisa okulokhu kuhlupha kusivumelwano seGlobal Political Agreement.

Unobhala jikelele weMDC kaMutambara njalo emela leli bandla kunkulumo, uMnu Welshman Ncube uthi iziphathamandla zeZanu PF lezecele likaTsvangirai kumele ziqakathekise impilo kazulu hatshi izikhundla.

Kunjalo nje eleSouth Africa lithi lanxa inkulumo zihamba ngesiqubu sofudu, kule ngqubelaphambili ekhona ngoba amabandla la sevumelene entweni ezithize.

Imibiko le ilandela amazwi ethulwe nguMnu Eddie Cross ngempelaviki awokuthi uhulumende womanyano ulakho ukubhidlika ngenxa yokudonselana okukhona.

UMnu Cross lilunga leMDC ekhokhelwa nguMnu Tsvangirai. Omunye wabaxwayisi baka Mongameli Jacob Zuma, uNkosazana Lindiwe Zulu uthi iZanu PF leMDC kumele zizihluphe ngokulungisisa okusele kulenga kusivumelwano seGlobal Political Agreement hatshi ngokubhidlika kukahulumende.

Ingcwethi ecubungula ezombusazwe uMnu Mlamuli Nkomo utshele uNtungamili Nkomo weStudio 7 ukuthi kusakude phambili ukuthi luxazululwe udaba lweZimbabwe.

‚Äč
XS
SM
MD
LG