Inhloko kahulumende, uMnu. Morgan Tsvangirai uthi ukubunjwa kukahulumende womanyano kulethe ububelo lokuzinza emsebenzi wezempilakahle eZimbabwe.
Esethula amazwi akhe embuthanweni wokunanza ilanga lezempilakahle emhlabeni jikelele, ele World Health Day enkundleni yeMaglass eZvishavane, uTsvangirai uthe kungakabunjwa uhulumende womanyano ezibhedlela kwasekuzindawo zokugulela kungela kwelatshwa.
Uqhubekele phambili wathembisa ukuthi kuzabunjwa isikhwama sokubhadalela indleko yokwelatshwa kwasebekhululile abedlula iminyaka engamatshumi ayisithupha, esithi yibo asebebanengi elizweni.
Ukuhlaziya amazwi ka Tsvangirai uChris Gande weStudio 7 uxoxe lengcwethi ecubungula ezombusazwe, uMnu. Rejoice Ngwenya.