amalinks wokungena

Breaking News

Setshonile UBhekumuzi Luthuli!


Umculi wakweleSouth Africa odume ngomculo wabomasganda, uBhekumuzi Luthuli kasekho. ULuthuli ubhubhe eseleminyaka engmatshumi amane lathoba munwe munye- 49.

Umuyi obecula ingoma zomdumo wabomasganda ubhubhele kwesinye isibhedlela eDurban ngoLwesithathu lapho agijinyiselwe khona kumaviki amabili edluleyo ngemva kokuhlashwa ngumkhuhlane.

OkaLuthuli uqalise ukuhlabela ngeminyaka yabo 1980. Ubhubhe selamadlalade afika amatshumi amabili njalo ubesanda kwethule idlalade lakhe elitsha lalonyaka elithiwa 'Imali Yabelungu'.

ULuthuli ubengumuntu othandwa kakhulu ngabalandeli bomdumo wembaqanga ikakhulu kwaZulu Natal kweleSouth Africa kanye laseZimbabwe lapho ake waba lamakhonsathi khona esaphila.

UmfokaLuthuli ubedume kakhulu ngengoma ezitshiyeneyo ezigoqela ethi 'Iphatha'. Okhokhela ugatsha lwezamasiko kwaZulu Natal uMnumzana Weziwe Thusi uthi udane kakubi ngokufa kukaLuthuli.

Lawa ngamazwi agcizelelwe nguZenzele Ndebele obesazana kakhulu loluthuli njalo oke wamletha koBulawayo ukuzokwenza ikhonsathi ngomnyaka ka2006, kungxoxo ayenze loNtungamili Nkomo owe Studio 7.

‚Äč
XS
SM
MD
LG