amalinks wokungena

Breaking News

Sezizaqala Njalo Inkulumo Phakathi kweMDC leZanu PF


Amabandla akuhulumende womanyano aphakathi kokulungiselela ukuqala njalo ukukhulumisana ngokulokhu kuhlupha kusivumelwano seGlobal Political Agreement.

Inkulumo phakathi kweZanu PF leMDC zibikwa zizaqala mhlaka 16 kumbe mhlaka 17 kuyonale inyanga. Okuhluphayo kunkulumo lezi kugoqela udaba lukasibalukhulu weReserve Bank uMnu Gideon Gono legqwetha likahulumende, uMnu Johannes Tomana.

Isiphathamandla secele leMDC elikhokhelwa nguMnu Morgan Tsvangirai uMnu Eddie Cross, utshele intathelizindaba ngempelaviki ukuthi nxa okuhluphayo kungalungisiswanga ngokuphangisa uhulumende womanyano ulakho ukubhidlika.

Kodwa umsekeli wesikhulumeli seMDC ekhokhelwa nguMnu Arthur Mutambara, uMnu Renson Gasela utshele uNtungamili Nkomo owe Studio 7 ukuthi uhulumende lo kumele elondolozwe.

UNtungamili uphinde waxoxa lomsekeli wesikhulumeli seMDC kaTsvangirai, uNkosazana Thabitha Khumalo othi ibandla lakhe lifuna konke okuhluphayo kulungisiswe ngokuphangisa.

‚Äč
XS
SM
MD
LG