amalinks wokungena

Breaking News

Sifuna Inkulumo Zigqitshwe Ngempelaviki - MDC


Icele leMDC elikhokhelwa nguMnu Morgan Tsvangirai lithi lifuna inkulumo zokulungisisa okuhluphayo kuhulumene womanyano zigqitshwe ngempelaviki.

Ekhuluma lentathelizindaba eHarare, isikhulumeli salelibandla uMnu Nelson Chamisa uthe abamabandla womathathu akuhulumende womanyano kumele ehloniphe isivumelwano seGlobal Political Agreement, kubika intathelizindaba yethu uThomas Chiripasi.

Kunjalo nje, imbiko esiyamukeleyo iveza ukuthi inkulumo phakathi kweZanu PF leMDC zizaqala ngesonto hatshi ngoMgqibelo njengobekuhleliwe. Abakhokheli bamazwe eSadc abahlangane ngoLwesine eMozambique bakhuthaze iZanu PF le MDC ukuthi zigcwalise isivumelwano seGPA.

Umlamulankunzi kudaba lweZimbabwe uMongameli Jacob Zuma ngoLwesihlanu ukhuthaze iMDC ukuthi iyekethise kudaba lukaMnu Gideon Gono loMnu Johannes Tomana esithi lokhu yiko okubangela ukuthi inkulumo zingagqitshwa ngesiphangiphani.

Ingcwethi ecubungula ezombusazwe uMnu Qhubani Moyo utshele uNtungamili Nkomo weStudio 7 ukuthi amabandla akuhulumende kumele eyiqakathekise inkuthazo yeSadc.

Okuhambelana lalokhu

‚Äč
XS
SM
MD
LG