amalinks wokungena

Breaking News

Sifuna uBennett Afungiswe Ngokuphangisa - MDC


Icele leMDC elikhokhelwa nguMnu Morgan Tsvangirai lithi lifuna uMnu Roy Bennett afungiswe aqalise umsebenzi njengomsekeli kamphathintambo wezokulima kungelani lokuphikisa kukahulumende isinqumo sokufunyanwa kwakhe engelacala lokuzama ukugenqula uMongameli Robert Mugabe embusweni.

Umthethwendaba weHigh Court ufumane uBennett emsulwa kumaviki amabili edluleyo. Isinqumo lesi besesilethe ithemba kuMDC kaTsvangirai elokuthi uBennett sezafungiswa ukuthi aqalise umsebenzi.

Kodwa abatshutshisi basuke baphikisa isinqumo lesi eSupreme Court. UMugabe yena ngaphambilini, ubeke wathi uzafungisa uBennett engatholakala emsulwa.

Udaba lukaBennett lolu lukhangelelwe ukuhluzwa emhlanganweni olakho ukwenziwa ngoLwesihlanu nguTsvangirai, uMugabe loMnu Arthur Mutambara.

Umsekeli wesikhulumeli sebandla likaTsvangirai uNkosazana Thabitha Khumalo utshele uNtungamil iNkomo weStudio 7 ukuthi bafuna uBennett efungiswe ngokuphangisa.

‚Äč
XS
SM
MD
LG