Liqala umhlangano walo weCongress ngeviki edluleyo, ibandla leZanu PF belixega ngenxa yokulwisana obekukhona phakathi kwalo kubangwa izikhundla.
Kodwa ibandla leli lithi liphume kuCongress le ngomgqibelo liqine okumangalisayo. Ngalokhu, lithi lizatshaya liqothule wonke amabandla azancintisa kukhetho oluzayo agoqela yona iMDC sibi sayo.
UMongameli Mugabe uxwayise abasekeli bebandla lakhe emhlanganweni lo ukuthi bahlale belungiselele ukungena kukhetho, lona athi akusenzuku zatshwala ukuthi lwenziwe.
Ilunga leZanu PF politburo, uMnu Absolom Sikhosana utshele uNtungamili Nkomo weStudio 7 ukuthi iZanu PF iphume kuCongress yayo ibambene, esithi kwabe MDC – Qaphelani!
