Umphathintambo wezokwethulwa kwembiko, uMnumzana Webster Shamu uthi abaphathintambo vakahulumende abakudale leCabinet bengapha intathelizindaba imbiko yokuyabe kuhlaziywe kulelidale bazabotshwa.
UShamu ukhulume lamazwi ngeviki edluleyo emhlanganweni lentathelizindaba esithi lazo intatheli eziyabe zethule limbiko zisengozini yokubotshwa ngoba ziyabe zisephula umthetho. UShamu utshele intathelizindaba ukuthi idale leCabinet lihlaziye loludaba lavumelana ukuthi imbiko ecathekelwa intathelizindaba ngasese kayiphathi kuhle uhulumende.
UChris Gande weStudio 7 uxoxe lomsekeli kamgcinisihlalo wenhlanganiso ebona ngelungelo lentathelizindaba, iMISA - Zimbabwe, uMnu. Njabulo Ncube ukuze sizwe ukuthi intathelizindaba zona zithini ngalimbiko.